@KanzaImranMughal #Literary writings Magic

                                                                        سکوتِ ازل "کچھ خاموشیاں آواز سے زیادہ بلند ہوتی ہیں، اور کچھ لوگ بچھڑ کر بھی ہماری روح میں زندہ رہتے ہیں۔" "ہر انسان کے اندر ایک ایسا کمرہ ہوتا ہے جہاں وہ اپنی سب سے قیمتی یادیں دفن کر دیتا ہے، مگر وقت ان قبروں پر کبھی مٹی نہیں ڈال پاتا ۔" بارش کی بوندیں حویلی کی قدیم کھڑکیوں سے ٹکرا رہی تھیں۔ آسمان پر بادل اس طرح پھیلے ہوئے تھے جیسے کسی نے نیلگوں چادر پر سیاہی انڈیل دی ہو۔ شہرِ نوراں ہمیشہ سے عجیب تھا۔ یہ وہ شہر تھا جہاں لوگ زندہ تو تھے مگر ان کی آنکھوں میں خواب نہیں بستے تھے۔ جہاں شامیں ضرورت سے زیادہ خاموش اور راتیں ضرورت سے زیادہ لمبی ہوتی تھیں۔ زمرّد آزر کھڑکی کے قریب بیٹھی باہر گرتی بارش کو دیکھ رہی تھی۔ اس کے ہاتھوں میں چمڑے کی جلد والی ایک پرانی ڈائری تھی۔ یہ ڈائری اسے اپنی مرحوم نانی کے صندوق سے ملی تھی۔ نانی نے مرنے سے چند دن پہل...